• IMG 2070
  • mos ma prek valbonen per web cover
  • N0aJn1476174656
  • dita e tokes1r
  • Untitled 1 

Një takim mes miqsh që ka shumë falenderime për të bërë!

Ju na dhuruat emocione të veçanta duke ndarë me ne eksperiencën tuaj dhe duke krijuar një atmosferë sa të ngrohtë dhe familjare për të cilën të gjithë kishim shumë nevojë.
Mbrëmja e 20 shkurtit, pranë Qendrës Kulturore Tulla, na kujtoi edhe njëherë që vetëm përmes vullnetit dhe dëshirës së gjithësecilit çdo kauzë e veshtirë ose jo mund të arrihet nëse angazhohemi pa kushte për të.web green drinks IMG 2070

“Kurrë mos dysho se një grup i vogël qytetarësh aktivë mund të ndryshojë botën; e vërteta është që vetëm ata e kanë arritur”- Margaret Mead -

Jo rastësisht kjo ishte edhe motoja e aktivitetit tonë në formatin “Green Drinks”, për të theksuar edhe njëherë që përfshirja e vogël e çdo individi në çështje që na prekin dhe në të cilat besojmë, bëhen përfshirja e madhe e të gjithëve ne në realitetin ku jetojmë e më gjerë.
Interesi dhe lëvizja gjithnjë e në rritje e të rinjve dhe qytetarëve aktivë për çështje të ndryshme, por veçanërisht për tematikat mjedisore i dha spunton dhe idenë Qendrës EDEN për të organizuar një aktivitet-takim miqësor duke dalë nga formati i aktiviteteve të zakonshme dhe duke pasur si aktorë kryesorë pikërisht të rinjtë dhe qytetarë pasionantë të cilët veprojnë dhe kërkojnë të integrohen gjithnjë e më shumë në çështje që kalojnë kufijtë e një zone të caktuar. Përmes këtij aktiviteti më shumë se 60 të pranishëm patën mundësinë të njiheshin nga afër me njeri-tjetrin, të shkëmbenin kontaktet e tyre dhe të mund të forconin urat e komunikimit dhe të bashkëpunimit në çdo sferë të interesit të përbashkët në vazhdimësi.

Krijimi i një komuniteti mjedisor jo vetëm brenda Shqipërisë, ishte qëllimi për të cilët të gjithë të pranishmit ishin të ndërgjeshëm, e kanë kërkuar në mënyrë të vazhdueshme dhe është linja dhe kërkesa kryesore që Qendra EDEN synonte dhe synon të arrijë në vazhdimësi.
Në qëndër të skenës u vendosën studentët, të rinjtë, vullnetarë të Qendrës EDEN dhe çdo qytetar që ndau me të pranishmit eksperiencën e vet dhe mënyrën sesi secili e sheh dhe e percepton mjedisin dhe aktivizmin. Takimi u la i lirë për të ngritur pyetje, folur, diskutuar, për tu njohur më shumë me njeri-tjetrin dhe për tu parë së bashku përmes sysh-femijësh, që më shumë se kushdo tjetër, përpiqen, besojnë dhe arrijnë. Mesazhet që çdo individ përcolli ishin sa të sinqerta po aq edhe frymëzuese për të gjithë.

"Realiteti është i korruptuar, edhe mjedisi brenda tij, ndaj lufta dhe aktivizmi duhet të jetë i fortë dhe i qëndrueshëm në kohë!" 
"Lufta mjedisore kërkon shpirt, jo gjithmonë fonde!"...

Ju i ndatë këto mesazhe dhe shumë të tjera gjatë takimit, të cilat të gjithë të pranishmit i vlerësuan dhe duke nxitur frymëzimin për punën dhe angazhimin tonë të përbashkët në fushën e mjedisit.

Pjesëmarrësi dhe mbështetësi i vazhdueshëm i tematikave mjedisore, eksperti ligjor mjedisor, Enio Haxhimihali, e orintoi fjalën e tij drejt angazhimit tëWeb drinks1 IMG 2074 shoqerisë civile dhe kanaleve ndërlidhëse që duhet të ekzistojnë dhe të forcohen gjithnjë e më shumë mes organizatave dhe qytarëve aktivë.
Studentë e pedagogë, dashamirës së mjedisit, u përshinë në diskutime natyrshëm dhe me pasionin e vrullin e individëve që e duan mjedisin dhe ndiejnë nevojën e vazhdueshme të rrisin angazhimin e tyre si qytetarë aktivë, pjesëmarrës dhe vendimmarrës.
Organizata Eco Guerilla nga Tetova theksoi fort rëndësinë e madhe që ka çdo individ i veçantë dhe kontributin që qytetarët mund të japin jo vetëm brenda hapësirës së vogël së qytetit ku jetojnë. Arianit Xhaferri shfaqi përmes fotografisë e videos aktvizmin e qytetarëve në Tetovë ndaj një çështje mjaft delikate jo vetëm për mjedisin, por dhe për shëndetin si ndotja e rënduar e ajrit.

Përfaqësuesit e organizatave mjedisore, të rinjtë dhe të gjelbrit ndër vite e orientuan diskutimin mbi aktivizmin e shpirtin aktiv, luftën mjedisore që ka nevojë për më shumë kurajë, dëshirë e vullnet dhe mbi rritjen e angazhimit të qytetarëve duke e prekur dhe jetuar situatën nga afër, në terren, atje ku problemi ekziston dhe mund të zgjidhet realisht.Aktiviteti në sfond shoqërohej nga tinguj muzikorë dhe fotografi të Koncertë-Protestës të zhvilluar në Valbonë për të cilësuar dhe njëherë se përmes angazhimit individual, social e kulturorë sfidat e përbashkëta bëhen të prekshme dhe të realizueshme.

Falemnderit të gjithëve ju për pjesëmarrjen dhe urojmë të kemi qenë të frytshëm sado pak për njeri-tjetrin dhe të jeni argëtuar nën notat e muzikës së ëmbël dhe profesionalizmit të Venera Lumanit, Lind Islamit dhe Klodi Harunit që na shoqëruan me shumë dashuri.
Çdo kontribut i dhënë në këtë format të parë të organizuar nga ne, le të jetë frymëzim për takimet tona të ardhshme.

Fotografitë e aktivitetit mund ti shikoni në facebook-un e qendrës EDEN duke klikuar këtu

Aktiviteti zhvillohet në kuadër të projektit "Perspektivë drejt integrimit në Bashkimin Evropian-Angazhim i qytetarëve aktive dhe shoqërisë civile në politikat mjedisore“ i zbatuar nga Qendra EDEN, pjesë e programit "Shoqëri civile shqiptare për një mjedis Evropian" (ACHIEVE) zbatohet nga Qendra Rajonale e Mjedisit Shqipëri (REC Shqipëri) dhe financohet nga Bashkimi Evropian në Shqipëri.

 

Ftesë drejtuar gazetarëve

Kjo ftesë i drejtohet gazetarëve që zhvillojnë veprimtarinë e tyre në qytetet Shkodër, Tiranë, Elbasan, Berat dhe Vlorë

Duke e vlerësuar rolin e medias vizive dhe të shkruar si një prej faktorëve kryesorë në rritjen e transparencës dhe angazhimit të qytetarëve në proceset Web pamje shoqeruese fteses se gazetareve CO SEEDvendimmarrëse, ftohen gazetarët që punojnë në qytetet Shkodër, Tiranë, Elbasan, Berat dhe Vlorë të jenë pjesë e trajnimit një ditor, i cili synon të ndikojë në rritjen e kapaciteteve të pjesëmarrësve për të qënë të përfshirë në debatë, konsultime dhe raportime mbi tematika thelbësore që lidhen në mënyrë të drejtë për drejtë me qytetarin dhe mjedisin.
Kjo përqasje bazohet në nevojën për të forcuar rolin dhe ndikimin e publikut, shoqërisë civile dhe aktorëve të tjerë të interesuar në proceset vendimarrëse të Vlerësimit të Ndikimit në Mjedis/Vlerësimit Strategjik në Mjedis, si edhe në reflektimin e çdo zhvillimi social apo politik që ndikon në mbarëvajtjen e procesit.

Nëpërmjet kësaj nisme gazetarët mund të:
- zhvillojnë më tej njohuritë e tyre për proçedurat mbi VSM/VNM;
- të jenë më të informuar mbi tematika mjedisore;
- ndikojnë në rritjen e ndërgjegjësimit dhe rolit të publikut për çështjet mjedisore;
- angazhohen dhe të forcojnë bashkëpunimin në nivel lokal me organizatat mjedisore.
- fokusojnë mjedisin në agendën mediatike si një aspekt i rëndësishëm i zhvillimit të qendrueshëm

Kjo ftesë vjen në zhvillim të projektit  “Shoqëri pjesëmarrëse në vendimmarrje“ mbështetur nga: Bashkimi Evropian, në kuadër të programit të grantit "Shoqëria Civile Vepron për Zhvillimin Social Ekonomik mbi Bazat e një Mjedisi të Shëndetshëm (CO-SEED)", nëpërmjet INCA (Instituti për Ruajtjen e Natyrës në Shqipëri).

Ju lutem dërgoni emrin e personit dhe gazetën/median që mbulon (nëse ka të tillë) brenda datës 20 shkurt 2017.

Për çdo informacion plotësues mos hezitoni të kontaktoni organizatën zbatuese të projektit në nivel lokal:
- Qendra mjedisore për Zhvillim Edukim dhe Rrjetëzim (EDEN)-Tiranë: Herda Paço Questo indirizzo email è protetto dagli spambots. E' necessario abilitare JavaScript per vederlo.
- Klubi Ekologjik Elbasan (KEE): Ahmet Mehmeti Questo indirizzo email è protetto dagli spambots. E' necessario abilitare JavaScript per vederlo.
- Qendra e Infomacionit Aarhus Shkodër (AIC): Questo indirizzo email è protetto dagli spambots. E' necessario abilitare JavaScript per vederlo.
- Qendra për Kërkim Bashkëpunim dhe Zhvillim: (CRCD)- Vlorë: Alba Naçi Questo indirizzo email è protetto dagli spambots. E' necessario abilitare JavaScript per vederlo.
- Për Mirëqënie Sociale dhe Mjedisore (FSEW)- Berat:  Questo indirizzo email è protetto dagli spambots. E' necessario abilitare JavaScript per vederlo.

Më shumë rreth projektit “Shoqëri pjesëmarrëse në vendimmarrje“ klikoni këtu

Gëzuar 2017 me dëshira të plotësuara!


Dua të informohem me mënyrën e duhur e të kuptoj drejtë,
WEB FullSizeRenderdua të shikoj të vërtetën,
dua të flas e të dëgjohem,
dua të jemi një shoqëri demokratike që investon për një mjedis të shëndetshëm!

Stafi i qendrës EDEN, në referencë të shkeljeve ndaj ligjeve të informimit dhe konsultimit publik në Shqipëri.
Punuar me dorë  nga vullnetarët e EDEN
                            
                           


Përceptojmë jetesën dhe zhvillimin e qëndrueshëm

Vazhdon zbatimi i aktiviteteve në kuadërFaqe aktiviteti2 perceptimi të projektit “Jetesë e qëndrueshme drejt nismave pro-mjedisore”, në 4 shkollat profesionale të rretheve Shkodër, Elbasan, Durrës dhe Kamëz (Tiranë).
 
Muaji dhjetor, shënon zbatimin e aktivitetit të dytë të këtij projekti, i pari aktivitet që çel punën e drejtëpërdrejtë me studentët e shkollave profesionale ku gjen zbatim edhe ky projekt. Në këtë aktivitet kishim për qëllim të merrnim një perceptim të studentëve që studiojnë në këto shkolla profesionale se sa familjarë janë dhe sa njohuri kanë me konceptet e “Jetesës së Qëndrueshme” dhe “Zhvillim i qëndrueshëm”. Kjo është edhe një ndër sfidat dhe objektivat kryesorë të qeverisë shqipëtare për futjen e koncepteve inovative dhe të shëndetshme në sistemin e edukimit të shkollave profesionale.

Aktiviteti u zhvilluan në ambientet e shkollave profesionale, në formën e një bashkëbisedimi të hapur mes studentëve, mësuesëve dhe grupit të punës nga Qendra EDEN. Moderimi i aktivitetit u bë nga grupi i punës së Qendrës EDEN dhe vullnetarë të saj, me ndihmën e mesuesëve nga grupet e punës të përcaktuara në secilën prej 4 shkollave profesionale ku po zbatohet ky projekt.
Në mënyrë që bashkëbisedimi dhe shkëmbimi i informacionit mes pjesëmarrësve dhe moderatorëve të ishte i lirëshëm dhe produktiv, u përzgjodh kjo formë takimi.  Pjesëmarrja e larmishme e studentëve nga nivele të ndryshme interesi (profesioni) dhe moshe (viti i studimit) ishte një metodë shumë efikase për një perceptim sa më të gjërë rreth temës dhe koncepteve që trajton projekti.

Projekti jo pa qëllim adreson shkolla profesionale të vendosura në kontekste të ndryshme gjeografike, ekonomike, sociale dhe kulturore,  ku dhe lidhja e komunitetit me natyrën dhe mjedisin përreth vjen në dimensione të ndryshme. Ky diversitet u reflektua edhe gjatë takimeve të hapura me studentët. Ndjeshmëria e tyre ndaj natyrës, konteksti i problematikave që ata adresonin në lidhje me mjedisin reflektonin shumë kontekstin në të cilin ata jetonin dhe studionin. Rezultate dhe vlerësime të mëtejshme rreth aktivitetit do të reflektohen në një raport vlerësimi, i cili do të shpërndahet mes aktorëve kryesorë të projektit.

Vlerësojmë pjesëmarrjen e më shumë se 300 studentëve, që u bënë pjesë e Aktivitetit të dytë “Vlerësim Perceptimi” dhe mundësinë e tejçimit të informacionit edhe në më shumë prej tyre.

Fotografitë e Aktivitetit të dytë mund ti ndiqni në facebook-un e Qendrës EDEN duke klikuar këtu.

Ky projekt zbatohet nga qendra EDEN dhe mbështetet financiarisht nga Programi i Granteve të Vogla të Komisionit për Demokraci, Sektori i Marrëdhënieve me Publikun të Ambasadës së SH.B.A-së në Tiranë. Mbeshtetur nga Ministria e Mirëqënies Sociale, Rinisë dhe Sporteve, për zbatimin e tij në shkollat profesionale që ai adreson.

Partnere dhe Donatore