AIC “Zgjedhjet qendrore...Jepi Shqipërisë një Zhvillim të Qëndrueshëm”
Qendra EDEN po zbaton fushaten " Zgjedhjet qendrore 2013...Jepi Shqipërisë një Zhvillim të Qëndrueshëm ". Fushata po zbatohet ne kater rrethe te 
Shqiperise ( Shkodër, Elbasan, Berat, Fushë Krujë) për të sjellë çështjet mjedisore dhe zhvillimin e qëndrueshëm përgjatë zgjedhjeve vendore 2013.
Qendra e Informacionit Aarhus (AIC) Shkodër po realizon lokalisht fushaten në qytetin e Shkodrës. Qëllimi kryesor është që, nga njëra anë, programet elektorale të çdo partie prezente në Shkodër të integrojnë më tepër aspektin e mjedisit duke marrë për bazë problematikat konkrete që paraqet ky qark dhe masa reale për zgjidhjen apo zbutjen e tyre dhe, nga ana tjetër, sensibilizimin e komunitetit që të mendojë për mjedisin përpara se të votojë.
Në këtë sens, AIC Shkodër ka realizuar një punë paraprake të monitorimit të çështjeve kryesore mjedisore me filmime dhe intervista nga qytetarët e prekur ashtu si dhe ka studiuar programet elektorale të partive. Në fazën e dytë, AIC Shkodër ka realizuar disa takime me kandidatët e parë për deputetë për t’u sygjeruar integrimin e këtyre çështjeve në programet e tyre dhe vlen për t’u theksuar fakti që një pjesë e mirë prej tyre e konsideruan këtë takim pozitiv. Ku kryesisht janë prekur çështjet e energjisë alternative, mosshpërdorimi i burimeve natyrore, përdorimin e tokës nga pronarët në mënyrë racionale, menaxhimi i mbetjeve urbane, etj.
Gjithashtu, në vazhdën e këtyre aktiviteteve, dhe për zgjedhje transparente, AIC Shkodër po organizon konsultime të hapura ndërmjet çdo partie kandidate në Shkodër dhe studentëve me qëllim që shqetësimet mjedisore të këtyre të fundit të dëgjohen nga politikanët e ardhshëm dhe të marrin përgjigje mbi rrugëzgjidhjet e mundshme që ata ofrojnë.
Në të njëjtën linjë, AIC Shkodër, po vepron edhe në komunitet ku për disa ditë rradhazi në javën e parë të qershorit, bashkë me vullnetarët e 
qendrës, ka dalë në sheshet kryesore të Shkodrës me sloganin “Mjedisi i shëndetshëm është e drejta dhe detyra ime! Unë do votoj që mjedisi ku jetoj të përmirësohet!” Aktivitetet kanë konsistuar në marshime paqësore në qëndër të qytetit ku ka shumë komunitet dhe janë shpërndarë mesazhe sensibilizuese për të thirrur vëmëndjen e komunitetit dhe për të ndërgjegjësuar popullin që të mendojnë për mjedisin përpara se të votojnë. Duke shfrytëzuar rastin e ditës botërore të mjedisit AIC Shkodër organizoi me datë 5 qershor 2013 një paradë me një pjesë marrje shumë të lartë të të rinjëve shkodranë në më nyrë që impakti në komunitet të ishte i konsiderueshë m. Këtë ditë morën pjesë rreth 150 studentë të shkollave të ndryshme ndërsa në total u përfshinë mbi 220 persona.
“Zgjedhjet qendrore...Jepi Shqipërisë një Zhvillim të Qëndrueshëm” -Kjo fushate mbështetet financiarisht nga Programi i Granteve të Vogla të Komisionit për Demokraci, Sektori i Marrëdhënieve me Publikun të Ambasadës së SH.B.A-së në Tiranë dhe Kooperimit Austriak për Zhvillim.
Si zhvillim i javës së festivali të filmit mjedisor të mbajtur për herë të parë në Shqipëri në datat 22-25 maj 2013, ditën e shtunë datë 25 maj u organizua një panair i organizatave mjedisore në rrugën këmbësore, Tirane. Qendra EDEN e përfaqësoi vehten në këtë ditë më një kënd Up-cycling “ Jepi një vlerë të re, objekteve që nuk përdorni më “. Qendra EDEN së bashku me 7 organizata të tjera Europiane ka ndërmarrë një fushatë të titulluar Up-cycling e cila drejtohet nga rrjeti Youth and Environment Europe dhe është e mbështetur financiarisht nga Bashkimi Europian. Qëllimi i fushatës Up-cycling dhe i ekspozitës së realizuar në datën 25 maj ishte rritja e ndërgjegjësimit të njerëzve për mënyra të reja që mund të shndërrohen objektet, për një frymëzim dhe për një përqasje të re ndaj sendeve në jetët tona të përditshme. Në këtë fushatë ku Qendra EDEN ka qenë pjesëtare, është hartuar një broshurë dhe janë realizuar filmime me mënyrat e realizimit të objekteve. 
nxënësit dhe stafi pedagogjik i shkollave. Nxënësit dhe mësusit pas trajnimeve,leksioneve dhe aktivitetev të ndryshme për ndarjen e mbetjeve realizuan këtë aktivitet për të rritur hapësirën e gjelbër në ambjentin rrethues. Nxënësit dhe mësuesit ishin aktorët kryesorë të cilët u morën me organizimin, me ndarjen e detyrave dhe me përfshirjen e sa më shumë nxënësve. Cdo pemë e mbjellë tashmë do të jetë një vazhdimësi për përkujdesje ndaj mjedisit dhe për nxënësit në vitet pasuese. 